விஜய் சொன்ன இரு சொற்கள்! பரபரப்பாகும் அரசியல் களம்!

தவெக தலைவர் விஜய், மாவீரர் நாளான இன்று “மாவீரம் போற்றுதும், மாவீரம் போற்றுதும்” என பதிவிட்டுள்ளார்.

தமிழீழ போராட்டத்தில் உயிர்நீத்த விடுதலைப் புலிகள் வீர்களின் நினைவை அனுசரிக்கும் விதமாக கடந்த ‘1989ம் ஆண்டு முதல் ஒவ்வொரு வருடமும் நவம்பர் 27ம் தேதி மாவீரர் நாள் அனுசரிக்கப்பட்டு வருகிறது.

இந்த ஆண்டும் கடந்த 21ம் தேதி முதல் இன்று (27ம் தேதி) வரை மாவீரர் நாள் அனுசரிக்கப்பட்டது. இலங்கையில் தமிழர்கள் வசிக்கும் பகுதி உட்பட உலகின் பல்வேறு பகுதிகளிலும், மாவீரர் நாள் இன்று அனுசரிக்கப்பட்டது.

தவெக தலைவர் விஜய்யும் மாவீரர் நாளை முன்னிட்டு முக்கிய பதிவு ஒன்றை வெளியிட்டுள்ளார். இது தற்போது பெரும் கவனம் பெற்றுள்ளது.

நடிகர் விஜய், தமிழக வெற்றிக் கழகம் எனும் கட்சியை துவங்கி தீவிரமாக அரசியலில் ஈடுபட்டு வருகின்றார். விஜய் தனது கட்சியின் முதல் மாநில மாநாட்டை நடத்தி அதில் அவர் பேசிய பிறகு அவர் தொடர்பான பேச்சுகள் தொடர்ந்து அரசியல் வட்டாரத்தில் இருந்துவருகிறது.

இவரின் அரசியல் வருகை தமிழ்நாட்டின் பல்வேறு கட்சிகளையும் வீழ்ச்சியடையவைக்கும் என பரவலாக பேச்சுகள் இருந்துவருகிறது. அதேபோல், விஜய்யால் நாம் தமிழர் கட்சியின் வாக்குகள் சரிவடையும் என்றும் பேச்சுகள் இருந்துவருகிறது.

விஜய், தனது மாநாட்டில் “திராவிடமும் தமிழ்த் தேசியமும் இரு கண்கள்” என தெரிவித்த பிறகு நாதக ஒருங்கிணைப்பாளர் சீமான் அவரை கடுமையாக விமர்சித்தும் வருகிறார்.

இந்நிலையில், மாவீரர் நாளன இன்று தவெக தலைவர் விஜய் தனது எக்ஸ் பக்கத்தில் பதிவிட்டுள்ள ஒரு பதிவு பெரும் கவனம் பெற்றுள்ளது. விஜய் தனது எக்ஸ் பக்கத்தில், “மாவீரம் போற்றுதும், மாவீரம் போற்றுதும்” என பதிவிட்டுள்ளார்.