Palghar Blast: પરફ્યુમની બોટલોની એક્સપાયરી ડેટ બદલવાનો પ્રયાસ કરતી વખતે ફ્લેટમાં વિસ્ફોટ, બે સગીર સહિત એક જ પરિવારના ચાર સભ્યો ઘાયલ થયા
પરફ્યુમની હળવી સુગંધ દરેકને આકર્ષે છે, પરંતુ ક્યારેક આ સુગંધ મુસિબત બની શકે છે. મહારાષ્ટ્ર (Maharashtra)ના પાલઘર (Palghar) જિલ્લાના નાલાસોપારા (Nala Sopara) વિસ્તારમાં ગુરુવારે રાત્રે એક પરિવાર માટે આ શોખ મોટા અકસ્માતનું કારણ બન્યો. બન્યું એવું કે પરફ્યુમની બોટલોની એક્સપાયરી ડેટ બદલવાનો પ્રયાસ કરતી વખતે ફ્લેટમાં વિસ્ફોટ (Palghar Blast) થયો જેમાં પરિવારના ચાર સભ્યો ઘાયલ થયા.
મહારાષ્ટ્રના પાલઘર જિલ્લામાં એક ફ્લેટમાં વિસ્ફોટ થયો હતો. આ ઘટનામાં બે સગીર સહિત એક જ પરિવારના ચાર સભ્યો ઘાયલ થયા હતા. પરિવારનો સભ્ય પરફ્યુમની બોટલો પરની એક્સપાયરી ડેટ બદલવાનો પ્રયાસ કરી રહ્યો હતો. ત્યારે જ આ અકસ્માત થયો. શુક્રવારે એક અધિકારીએ આ ઘટના અંગે માહિતી આપી. તેમણે જણાવ્યું કે, આ અકસ્માત ગુરુવાર અને શુક્રવારની રાત્રે મુંબઈની બહારના નાલ્લા સોપારામાં રોશની એપાર્ટમેન્ટના રૂમ નંબર ૧૧૨માં થયો હતો.
Author: VS NEWS DESK
pradeep blr
