Udupi Krishna Puja: ಮುಂದಿನ ಎರಡು ವರ್ಷ ಉಡುಪಿ ಕೃಷ್ಣನ ಪೂಜೆಯ ಅಧಿಕಾರ ಇವರದ್ದೇ!

ಉಡುಪಿ:  ಕೃಷ್ಣ ಮಠದಲ್ಲಿ (Udupi Krishna Mutt) ಪರ್ಯಾಯ ಮಹೋತ್ಸವದ ಸಂಭ್ರಮ ಕಳೆಗಟ್ಟಿದೆ. ಅನ್ನಬ್ರಹ್ಮ ನಾಡಿನಲ್ಲಿ ಭಕ್ತರಿಗೆ ಅನ್ನ ಪ್ರಸಾದ ವಿತರಣೆಗಾಗಿ ವಿಶಾಲವಾದ ಪ್ರತ್ಯೇಕ ಪ್ರತ್ಯೇಕ ಭೋಜನ ಶಾಲೆಗಳು ಸಿದ್ದಗೊಳ್ಳುತ್ತಿದೆ. ಹಾಗಿದ್ದರೆ ಏನಿದು ಪರ್ಯಾಯ? ಈ ವರ್ಷ ಉಡುಪಿಯಲ್ಲಿ ಪರ್ಯಾಯ (Puthige Paryaya 2024) ಯಾರದ್ದು? ಕೃಷ್ಣ ಪೂಜೆಗೂ (Udupi Krishna Puja) ಪರ್ಯಾಯಕ್ಕೂ ಏನು ಸಂಬಂಧ? ಇಲ್ಲಿದೆ ನೋಡಿ ವಿವರ.

ಪರ್ಯಾಯ ಮಹೋತ್ಸವ
ಮತ್ತು ಮುಂದಿನ ದಿನಗಳಲ್ಲಿ ಕೃಷ್ಣ ದರುಶನಕ್ಕೆ (Udupi Krishna Temple Darshan) ಬರುವ ಭಕ್ತರಿಗೆ ನಿತ್ಯ ರಾತ್ರಿ, ಹಗಲು ಎನ್ನದೆ ನಿರಂತರ ಭೋಜನ ಪ್ರಸಾದದ ವ್ಯವಸ್ಥೆ ಮಾಡಲಾಗುತ್ತಿದೆ.

ಪ್ರತಿದಿನ 15 ರಿಂದ 20 ಸಾವಿರ ಭಕ್ತರು ಆಗಮಿಸುತ್ತಾರೆ. ಅದರಲ್ಲೂ ಪರ್ಯಾಯ (Puthige Paryaya) ಸಂದರ್ಭ ಲಕ್ಷಾಂತರ ಸಂಖ್ಯೆಯಲ್ಲಿ ಭಕ್ತರು ಮಹೋತ್ಸವದಲ್ಲಿ ಭಾಗಿಯಾಗುವುದಕ್ಕಾಗಿಯೇ ಆಗಮಿಸುತ್ತಾರೆ. ಬರುವ ಭಕ್ತರಿಗೆ ನಿತ್ಯ ಅನ್ನಸಂರ್ತಪಣೆಗಾಗಿ ಸಿದ್ದತೆ ಜೋರಾಗಿದೆ.

252 ನೇ ಪರ್ಯಾಯ ಮಹೋತ್ಸವ
ಸುಮಾರು 500 ವರ್ಷಗಳಿಗೂ ಅಧಿಕ ಇತಿಹಾಸವಿರುವ ಉಡುಪಿ ಪರ್ಯಾಯ ಮಹೋತ್ಸವ ಪ್ರತಿ ಎರಡು ವರ್ಷಕೊಮ್ಮೆ ಜನವರಿ 18 ರಂದು ನಡೆಯುತ್ತದೆ. ಈ ಬಾರಿ 252 ನೇ ಪರ್ಯಾಯ ಮಹೋತ್ಸವ ನಡೆಯುತ್ತಿದೆ.

ಕೃಷ್ಣ ಮಠದ ದ್ವೈವಾರ್ಷಿಕ ಉತ್ಸವ
ಉಡುಪಿ ಕೃಷ್ಣಮಠದಲ್ಲಿ ಕಾಣಿಯೂರು ಮಠ, ಸೋದೆ ಮಠ, ಪುತ್ತಿಗೆ ಮಠ, ಅದಮಾರು ಮಠ, ಪೇಜಾವರ ಮಠ, ಪಲಿಮಾರು ಮಠ, ಕೃಷ್ಣಾಪುರ ಮಠ, ಶಿರೂರು ಮಠಗಳೆಂಬ ಎಂಟು ಮಠಗಳಿವೆ. ಕೃಷ್ಣ ಮಠದ ದ್ವೈವಾರ್ಷಿಕ ಉತ್ಸವವಾಗಿರುವ ಪರ್ಯಾಯ ಮಹೋತ್ಸವ 2 ವರ್ಷಕೊಮ್ಮೆ ನಡೆಯುತ್ತದೆ. ಈ ಪ್ರಕ್ರಿಯೆ ಮೂಲಕ ಅಷ್ಟಮಠಗಳ ಪೈಕಿ ಕೃಷ್ಣ ಮಠದ ಪೂಜಾ ಕೈಂಕರ್ಯದ ಹಾಗೂ ಮಠದ ಅಧಿಕಾರ ಹಸ್ತಾಂತರವಾಗುತ್ತದೆ. ಪರ್ಯಾಯ ಯಾರದ್ದಾಗಿರುತ್ತದೆಯೋ ಅವರಿಗೆ ಮುಂದಿನ ಎರಡು ವರ್ಷಗಳ ಕಾಲ ಉಡುಪಿ ಕೃಷ್ಣ ಮಠದ ಪೂಜೆಯ ಅಧಿಕಾರ ಸಂದುತ್ತದೆ.

ಈ ಬಾರಿ ಪುತ್ತಿಗೆ ಮಠದ ಪರ್ಯಾಯ
ಈ ಬಾರಿ ಉಡುಪಿ ಪರ್ಯಾಯ ಪುತ್ತಿಗೆ ಮಠದ ಸುಗುಣೇಂದ್ರ ಶ್ರೀಗಳದ್ದಾಗಿದೆ.  ಪುತ್ತಿಗೆ ಶ್ರೀಗಳ ನಾಲ್ಕನೇಯ ಬಾರಿಯ ಪರ್ಯಾಯ ಇದಾಗಿದ್ದು, 252ನೇ ಪರ್ಯಾಯ ಮಹೋತ್ಸವದಲ್ಲಿ ಅಧಿಕಾರ ಸ್ವೀಕಾರ ಮಾಡಿದ್ದಾರೆ.

ಇದನ್ನೂ ಓದಿ:
Puthige Shri: ಹಯವದನ ಆಚಾರ್ಯರು ಪುತ್ತಿಗೆ ಶ್ರೀಗಳಾದ ಸ್ವಾರಸ್ಯಕರ ಕಥೆ!

ರಾಜಾಂಗಣದಲ್ಲಿ ದರ್ಬಾರ್
ಪುತ್ತಿಗೆ ಶ್ರೀ ಸರ್ವಜ್ಞ ಪೀಠವೇರಿ, ಅಕ್ಷಯ ಪಾತ್ರೆ ಸ್ವೀಕರಿಸಿ ಮುಂದಿನ ಎರಡು ವರ್ಷಗಳ ಕಾಲ ಕೃಷ್ಣ ಪೂಜೆಯ ಅಧಿಕಾರ ವಹಿಸಿಕೊಂಡಿದ್ದಾರೆ.

ಶೂರ್ಪನಖಿಯ ಬಗ್ಗೆ ಇಲ್ಲಿದೆ ಕುತೂಹಲಕಾರಿ ಮಾಹಿತಿಗಳು!
ಇನ್ನಷ್ಟು ಸುದ್ದಿ…