Pune Crime: मित्रांच्या साथीने दगड डोक्यात टाकून हत्या, पुण्यातील भाजप कार्यकर्त्याच्या खुनाचा उलगडा

  निलेश दत्तात्रय कडू (वय ३२, रा. सावंतवाडी, पवनानगर, ता. मावळ) असं खून झालेल्याचे नाव आहे. या प्रकरणी अक्षय बाळू घायाळ (रा. सावंतवाडी, पवनानगर, ता. मावळ), पियूष विश्वनाथ डोंगरे, साहिल साईनाथ जाधव (दोघे रा. प्रभाचीवाडी, ता. मावळ) यांना अटक करण्यात आली. निलेश कडू भारतीय जनता पक्ष विद्यार्थी आघाडीचा पदाधिकारी होता. आरोपी अक्षय आणि निलेश मित्र आहेत. हातऊसने दिलेल्या पैशांमधून काही दिवसांपूर्वी त्यांच्यात वाद झाले होते. कडू आणि घायाळ यांच्याविरुद्ध कामशेत आणि लोणावळा ग्रामीण पोलीस ठाण्यात यापूर्वी गुन्हे देखील दाखल झाले होते. ३१ ऑक्टोबर रोजी कडू आणि आरोपी घायाळ, डोंगरे, जाधव प्रभाची वाडी परिसरात रात्री दारु पित होते. हातऊसने दिलेल्या पैशांवरुन त्यांच्यात वाद झाला. त्यानंतर आरोपींनी कडू याच्यावर तीक्ष्ण शस्त्राने वार केले. त्याच्या डोक्यात दगड घालून खून केला.