Ola Shares: దేశీయ దిగ్గజ ఎలక్ట్రిక్ టూ-వీలర్ల తయారీ సంస్థ ఓలా ఎలక్ట్రిక్ షేర్లు మంగళవారం రోజు స్టాక్ మార్కెట్ ట్రేడింగ్‌లో కుప్పకూలాయి. మార్కెట్లలోకి ఎంట్రీ ఇచ్చిన తర్వాత భారీగా పెరిగిన షేర్లు అంతే వేగంతో మళ్లీ పడిపోయాయి. ఇవాళ షేర్లు పడిపోయేందుకు ఓ ప్రధాన కారణం ఉంది. మూడు నెలల లాకిన్ పీరియడ్ నవంబర్ 5తో ముగిసింది. ఈ నేపథ్యంలో అమ్మకాల ఒత్తిడికి ఈ షేరు గురైనట్లు తెలుస్తోంది. ఓలా షేర్లు ఒక దశలో 9 శాతం మేర క్షీణించాయి. మధ్యాహ్నం 3 గంటల సమయానికి 8.18 నష్టంతో రూ.74.25 వద్ద ట్రేడింగ్ అవుతోంది. ఇవాళ ఈ షేరు లైఫ్ టైమ్ కనిష్ఠ స్థాయి రూ.73.84ను నమోదు చేసింది. ఇది ఐపీఓ గరిష్ఠ ధరకన్నా తక్కువే.
లాకిన్ పీరియడ్‌ల భాగంగా సుమారు 18.2 కోట్లు విలువైన షేర్లు విక్రయించేందుకు వీలు లేకుండే. ఇది మొత్తం ఈక్విటీల్లో 4 శాతానికి సమానం. అయితే ఈ లాకిన్ పీరియడ్ ముగిసిన తర్వాత ఒక్కసారిగా అమ్మకాలు చేపట్టారు. దీంతో ఇవాళ ఓలా ఎలక్ట్రిక్ షేరు పడిపోయింది. సాధారణంగా కంపెనీలు ఐపీఓగా మార్కెట్లలోకి వచ్చే ముందే ప్రమోటర్లు, యాంకర్ ఇన్వెస్టర్ల నుంచి నిధులు సమీకరిస్తాయి. లిస్టింగ్ తర్వాత ఆకస్మిక విక్రయాలు జరగకుండా వీరికి కేటాయించిన షేర్లపై లాకిన్ పీరియడ్ విధిస్తారు. అంటే వీరి లిస్టయిన వెంటనే అమ్మేసేందుకు వీలు లేదు. లాకిన్ పీరియడ్ ముగిశాకే వారు ఓపెన్ మార్కెట్లో విక్రయించాలి.
సాధారణంగా ఈ లాకిన్ పీరియడ్ అనేది 6 నెలలు లేదా ఏడాది ఉంటుంది. ఒక్కోసారి లాకిన్ పీరియడ్ ముగిసిన వెంటనే యాంకర్ ఇన్వెస్టర్లు తమ షేర్లను విక్రయించేస్తుంటారు. ఇవాల ఓలా ఎలక్ట్రిక్ విషయంలోనూ అదే జరిగినట్లు మార్కెట్ నిపుణలు చెబుతున్నారు. ఓలా ఎలక్ట్రిక్ మొబిలిటీ ఐపీఓ ధరల శ్రేణి రూ.72-76 మధ్య నిర్ణయించారు. ఇష్యూ గరిష్ఠ ధర రూ.76 వద్దే లిస్టింగ్ అయింది. అయితే ఆ తర్వాత కొనుగోళ్ల మద్దతుతో ఒక దశలో రూ.157.40 ఆల్ టైమ్ హై స్థాయిని తాకింది. ఇటీవలి కాలంలో పలు వివాదాల కారణంగా ఓలా షేర్లు పడిపోతున్నాయి. ఓలా సీఈఓ భవీశ్ అగర్వాల్, కమెడియన్ కునాల్ కమ్రాల వివాదం నడుస్తోంది. అలాగే ఓలా సర్వీస్ సెంటర్ల విషయంలోనూ కస్టమర్ల నుంచి ఫిర్యాదులు రావడం ఒక కారణంగా చెబుతున్నారు.
Author: VS NEWS DESK
pradeep blr
