Crime: பல்லடம் அருகே பகீர் சம்பவம்.. ஒரே குடும்பத்தைச் சேர்ந்த 3 பேர் கொலை

திருப்பூர் மாவட்டம் பல்லடம் அருகே ஒரே குடும்பத்தைச் சேர்ந்த மூன்று பேர் கொலை செய்யப்பட்ட சம்பவம் பெரும் பரபரப்பை ஏற்படுத்தியுள்ளது. பல்லடம் அருகே உள்ள அவிநாசிபாளையத்தில் தான் இந்த கொடூர சம்பவம் நடைபெற்றுள்ளது. தாய், தந்தை மற்றும் மகன் ஆகிய மூன்று பேர் படுகொலை செய்யப்பட்ட நிலையில் சடலமாக மீட்கப்பட்டுள்ளனர். இந்த சம்பவம் தொடர்பாக அவிநாசிபாளையம் போலீசார் வழக்குப்பதிவு செய்து விசாரணை நடத்தி வருகின்றனர். கொலைக்கு ஏதேனும் முன்பகை காரணமாக இருக்குமா என்ற கோணத்தில் விசாரணை நடைபெற்று வருவதாக கூறப்பட்டுள்ளது. 3 பேரின் உடல்களை கைப்பற்றிய போலீசார் பிரேத பரிசோதனைக்காக பல்லடம் அரசு மருத்துவமனைக்கு அனுப்பி வைத்தனர்.