വാഷിംഗ്ടണ്: കാലിഫോര്ണിയ തീരത്ത് അതിശക്തമായ ഭൂചലനം. റിക്ടര് സ്കെയിലില് 7.0 തീവ്രത രേഖപ്പെടുത്തി. ഭൂമികുലുക്കത്തിന്റെ പശ്ചാത്തലത്തില് കാലിഫോര്ണിയയില് സുനാമി മുന്നറിയിപ്പ് പുറപ്പെടുവിച്ചിരുന്നെങ്കിലും പിന്നീട് പിന്വലിച്ചതായി നാഷണല് വെതര് സര്വീസ് അറിയിച്ചു.
ഫെണ്ഡെയ്ലിന് ഏകദേശം 100 കിലോമീറ്റര് മാറി പടിഞ്ഞാറ്-തെക്ക് പടിഞ്ഞാറന് ഭാഗത്തായി ആറ് മൈല് ആഴത്തിലാണ് പ്രകമ്പനം അനുഭവപ്പെട്ടതെന്ന് യുണൈറ്റഡ് സ്റ്റേറ്റ്സ് ജിയോളജിക്കല് സര്വ്വേ വ്യക്തമാക്കി. തുടര്ന്ന് കാലിഫോര്ണിയയില് യെല്ലോ അലര്ട്ട് പ്രഖ്യാപിച്ചു. കാലിഫോര്ണിയയ്ക്ക് തെക്ക് സാന് ഫ്രാന്സിസ്കോ വരെയും ഭൂമികുലുക്കം അനുഭവപ്പെട്ടതായാണ് റിപ്പോര്ട്ട്. സെക്കന്ഡുകള് നീളുന്ന ആദ്യ ചലനവും പിന്നാലെ ചെറിയ തുടര്ചലനങ്ങളും അനുഭവപ്പെട്ടതായി പ്രദേശവാസികള് പറയുന്നു.
ഭൂചലനത്തെ തുടർന്ന് യെലോ അലർട്ട് പ്രഖ്യാപിച്ച യുഎസ് ജിയോളജിക്കൽ സർവേ, സൂനാമി മുന്നറിയിപ്പും പുറപ്പെടുവിച്ചെങ്കിലും വൈകാതെ പിൻവലിച്ചു. ‘ശക്തമായ തിരമാലകൾ നിങ്ങളുടെ സമീപമുള്ള തീരങ്ങളെ ബാധിച്ചേക്കാം. തീരദേശ ജലാശയങ്ങളിൽനിന്ന് മാറിനിൽക്കുക. ഉയർന്ന പ്രദേശങ്ങളിലേക്കോ ഉൾനാടുകളിലേക്കോ നീങ്ങുക. മടങ്ങിയെത്താൻ പ്രാദേശിക ഉദ്യോഗസ്ഥർ നിർദേശിക്കുന്നതു വരെ തീരത്തുനിന്ന് അകന്നു നിൽക്കുക.’ – എന്നായിരുന്നു മുന്നറിയിപ്പ്.
ഏതാനും സെക്കൻഡുകൾ ഭൂചലനം നീണ്ടുനിന്നതായും തുടർന്ന് ചെറിയ തുടർചലനങ്ങളും അനുഭവപ്പെട്ടതായും പ്രദേശവാസികളെ ഉദ്ധരിച്ച് വാർത്താ ഏജൻസി റിപ്പോർട്ടു ചെയ്തു. ആൾനാശമുണ്ടായതായി റിപ്പോർട്ടില്ല. സാന്താക്രൂസ് പ്രദേശത്ത് ദേശീയ കാലാവസ്ഥാ സേവനത്തിന്റെ സൂനാമി മുന്നറിയിപ്പോടെ ഫോണുകൾ ശബ്ദിച്ചു. സാന്ഫ്രാന്സിസ്കോയ്ക്കും ഓക്ലൻഡിനും ഇടയിലുള്ള ജലാന്തർഭാഗത്തുകൂടിയുള്ള തുരങ്കത്തിലൂടെ എല്ലാ ദിശകളിലേക്കുമുള്ള ഗതാഗതം നിർത്തിവച്ചു.
paid promotion….
