मुंबई: ‘ठरलं तर मग’च्या लेटेस्ट एपिसोडमध्ये सुरुवातीला सायली मधुभाऊंचा आशीर्वाद घेऊन कोल्हापूरला जायला निघते. मधूभाऊ तिच्याविषयी काळजी व्यक्त करतात, पण तिला परत या शहरात आणायचं नाही या निर्णयावर ते ठाम असतात. सायली आणि कुसूमला जाताना पाहून मधूभाऊही रडतात. तर सुभेदारांच्या घरी खोट्या तन्वीने म्हणजेच प्रियाने होम ठेवलेला असतो. अर्जुन सोडून सगळेच सुभेदार त्यात उत्साहाने सहभागी होतात.सायली कोल्हापूरला जाणार असल्याचं ऐकून अर्जुन पार खचून जातो आणि त्यावेळी त्याला चैतन्य प्रोत्साहन देतो. सायली वहिनीला जिथे असेल तिथे गाठ आणि तिला सांग तुझ्या मनात काय आहे, असं म्हणून चैतन्य अर्जुलला काहीतरी अॅक्शन घेण्यासाठी प्रवृत्त करतो. रडत बसलेल्या अर्जुनमधील डॅशिंग अर्जुनला जागं करुन चैतन्य त्याला प्रपोज करण्यासाठी प्रवृत्त करतो.
अर्जुन बाहेर पडताना प्रिया त्याला अडवते आणि होमहवन करण्यासाठी बसण्यास सांगते. ती बोलताना चैतन्यचा अपमानही करते. यावेळी प्रतिमा तिला ओरडते, पण कल्पना तिची बाजू घेते. याचा अर्जुनला खूप त्रास होतो. तिला पाठीशी घालून ती चैतन्यची माफी मागते. अर्जुन-चैतन्य होमासाठी घरी थांबणार नाही, यावरुनही कल्पना त्यांना बोल लावते. अर्जुन थांबणार नाही यामुळे प्रियाचा त्रागा होतो, पण सुभेदार अर्जुनशिवायच होम सुरू ठेवण्याचं ठरवतात.तिकडे सायली आणि कुसूम कुर्ला बसस्थानकात पोहोचतात आणि अर्जुन-चैतन्य त्यांना गाठण्यासाठी निघतात. त्या नेमक्या कशा जाणार आहेत, हे शोधण्यासाठी चैतन्य कुसूमला फोन करतो, पण ती उचलत नाही. त्यामुळे ते दोघे आधी कुसूमच्या घरी जातात. यावेळी अर्जुनला सायलीसोबतचे जुने क्षण आठवू लागतात. कुसमच्या घरी पोहोचताच त्यांना तिथे घराला कुलूप दिसतं. तेव्हा त्याठिकाणी त्यांना एक इसम भेटतो, जो त्यांना सांगतो की सायली-कुसूम कुर्ला बसस्थानकात गेल्या आहेत.
सायलीलाही त्यांची पहिली भेट, लग्न, सुभेदारांच्या घरातील प्रवेश, तिथले रोमँटिक क्षण असे प्रसंग आठवू लागतात. बसस्टॉपवर ती अक्षरश: शुन्यात नजर लावून बसते. अर्जुन जमेल तितक्या वेगाने गाडी चालवून बसस्टँडवर पोहोचण्याचा प्रयत्न करतो. आता आगामी महाएपिसोडमध्ये अर्जुनच्या प्रपोजलची चाहत्यांना प्रतिक्षा आहे.
Author: VS NEWS DESK
pradeep blr
