கணவன் உடலை துண்டாக்கி சிமெண்டு கலந்த ட்ரம்மில் வைத்த மனைவி.. உத்தரப்பிரதேசத்தில் ஷாக் சம்பவம்!

UP Man Killed: உத்தரபிரதேசம் இந்திரா நகரில் கணவனை கொன்று, உடலை சீமெண்டு நிறைந்த டிரம்மில் மறைத்த மனைவி மற்றும் அவரது காதலனை போலீசார் கைது செய்தனர். 2025 மார்ச் 4 முதல் காணாமல் போன 29 வயது சௌரப் ராஜ்புத் மீது நடந்த விசாரணையில், மனைவி மற்றும் காதலன் கொலை செய்ததை ஒப்புக்கொண்டனர். குடும்பத்தின் புகாரின் பேரில் வழக்கு பதிவு செய்யப்பட்டது.

உத்தரபிரதேசம் மார்ச் 19: உத்தரபிரதேசத்தில் கணவனை கொன்று சிமெண்ட் டிரம்பில் போட்டு வைத்த மனைவி மற்றும் அவரது காதலனை காவல்துறையினர் கைது செய்தனர். உத்தரபிரதேசம் இந்திரா நகரில் கணவனை கொன்று, உடலை துண்டுகளாக்கி, சீமெண்டு நிறைந்த டிரம்மில் மறைத்த மனைவி மற்றும் அவரது காதலனை காவல்துறை கைது செய்துள்ளது. 29 வயது சௌரப் ராஜ்புத் 2025 மார்ச் 4 முதல் காணாமல் போனதை தொடர்ந்து, போலீசார் விசாரணை மேற்கொண்டனர். சந்தேகத்தின் அடிப்படையில், மனைவி முஸ்கான் மற்றும் காதலன் சாஹில் இருவரும் கைது செய்யப்பட்டனர். விசாரணையில் அவர்கள் கொலை செய்ததை ஒப்புக்கொண்டதுடன், கொலையின் பிறகு சுற்றுலா சென்றதும் கண்டுபிடிக்கப்பட்டது. சௌரபின் குடும்பத்தின் புகாரின் பேரில் வழக்கு பதிவு செய்யப்பட்டுள்ளது.

கணவனை கொன்ற மனைவி, அவரது காதலன்

இந்த சம்பவம் இந்திரா நகரில் நடந்துள்ளது. கடல் வணிக துறையில் பணிபுரிந்த 29 வயதான சௌரப் ராஜ்புத் 2025 மார்ச் 4ஆம் தேதி முதல் காணாமல் போனதாக தகவல் கிடைத்தது. இதையடுத்து விசாரணை தொடங்கப்பட்டது என்று கூடுதல் காவல் ஆய்வாளர் (ASP) ஆயுஷ் விக்ரம் சிங் தெரிவித்தார்.

முதற்கட்ட விசாரணையில், மனைவி மற்றும் அவரது காதலன் சேர்ந்து, அவரது கணவனை குத்திக்கொன்று, உடலை துண்டுகளாக வெட்டி, அதை சிமெண்ட் நிறைந்த டிரம்மில் மூடியதாக காவல்துறை தெரிவித்துள்ளது. நபரின் உடல் மீட்கப்பட்டு, இருவரும் கைது செய்யப்பட்டுள்ளதாக போலீசார் தெரிவித்தனர்.

திட்டமிட்டு கொல்லப்பட்ட கணவர்

சந்தேகத்தின் அடிப்படையில், போலீசார் அவரது மனைவி முஸ்கான் (27) மற்றும் காதலன் சாஹில் (25) ஆகியோரை கைது செய்தனர். விசாரணையின் போது, 2025 மார்ச் 4ஆம் தேதி சௌரபை குத்திக்கொன்று கொலை செய்தது அவர்கள் ஒப்புக்கொண்டனர். பின்னர் உடலை துண்டுகளாக வெட்டி, சிமெண்ட் நிறைந்த டிரம்மில் மூடியதாக அவர்கள் தெரிவித்தனர்.

உடல் பிரேத பரிசோதனைக்காக அனுப்பப்பட்டு, சௌரபின் குடும்பத்தின் புகாரின் அடிப்படையில் வழக்கு பதிவு செய்யப்பட்டுள்ளது. கொலையில் ஈடுபட்ட இருவரும் கைது செய்யப்பட்டுள்ளனர் என்று காவல்துறை தெரிவித்தது.

சௌரபின் குடும்பத்தினரின் தகவலின்படி, முஸ்கான் தனது கணவரின் கைப்பேசியில் இருந்து செய்திகளை அனுப்பி, அவர்களை தவறாக வழிநடத்தியுள்ளார். கொலையைச் செய்த பிறகு, முஸ்கான் மற்றும் சாஹில் சேர்ந்து ஒரு மலைப்பகுதிக்கு சுற்றுலா சென்றதாகவும் காவல்துறை தெரிவித்துள்ளது.

சௌரப் ராஜ்புத் குடும்ப பின்னணி

சௌரப் பிராம்புரியின் இந்திரா நகர் பிளாக்-2ல் வசித்துவந்தார். அவர் 2016ஆம் ஆண்டு கவுரிப்புராவைச் சேர்ந்த முஸ்கான் ரஸ்தோகியை காதலித்து திருமணம் செய்துகொண்டார்.

இருவரின் குடும்பத்தினரும் இவர்களின் திருமணத்தை ஏற்கவில்லை, இதனால் இருவரும் தனியாக இந்திரா நகர் பிளாக்-1ல் வீடு வாடகைக்கு எடுத்து, மூன்று வயது மகளுடன் வசித்ததாக காவல்துறை தகவல் தெரிவித்தது.