આજકાલ હનીટ્રેપમા ફસાયા હોવાના સમાચાર વારંવાર સામે આવી રહ્યાં છે. સામાન્ય લોકો તો ઠીક હવે હની ટ્રેપની જાળ પ્રધાન સુધી વિસ્તરી ચૂકી છે. વિધાનસભામાં ખુદ પ્રધાને એવી જાહેરાત કરવી પડી છે કે, તેમને પણ હની ટ્રેપમાં ફસાવવાનો પ્રયાસ કરાયો હતો. આની તપાસ કરાવવાની માંગ કરતા, ગૃહ પ્રધાને વિધાનસભામાં કહ્યું કે, આ ઘટનાની ઉચ્ચસ્તરીય તપાસના આદેશ આપવામાં આવ્યા છે.

કર્ણાટકના સહકાર મંત્રી કે.એન. રાજન્નાએ પોતે વિધાનસભામાં એ વાતનો ખુલાસો કર્યો તે તેમને પણ હની ટ્રેપમાં ફસાવવાનો પ્રયાસ કરાયો છે. તેમણે એવો દાવો પણ કર્યો હતો કે, રાષ્ટ્રીયસ્તરના અને રાજ્યસ્તરના 48 નેતાઓનો હની ટ્રેપ વીડિયો અસ્તિત્વમાં છે. આ ઘટનાએ, સમગ્ર રાજ્યના રાજકારણમાં હલચલ મચાવી દીધી છે. ગૃહમંત્રીએ ઉચ્ચ સ્તરીય તપાસની ખાતરી આપી છે, જ્યારે વિપક્ષે આ કેસમાં ન્યાયિક તપાસની માંગ કરી છે.

કોંગ્રેસ અધ્યક્ષ અને રાજ્યસભામાં વિપક્ષના નેતા મલ્લિકાર્જુન ખડગેએ, આજે ગુરુવારે ગૃહમાં સરકાર પાસેથી વડા પ્રધાનની વિદેશ મુલાકાતો પર થયેલા ખર્ચની વિગતો માંગી હતી. ખડગેએ છેલ્લા ત્રણ વર્ષમાં પીએમ મોદીની વિદેશ યાત્રાઓ પર થયેલા ખર્ચનો હિસાબ માંગ્યો. આ અંગે, વિદેશ રાજ્યમંત્રી પાબિત્રા માર્ગેરિટાએ રાજ્યસભામાં કોંગ્રેસના નેતાના પ્રશ્નનો લેખિત જવાબ આપ્યો. તેમણે ગૃહમાં 2022 થી 2024 દરમિયાન પીએમ મોદીના વિદેશ પ્રવાસો પર થયેલા ખર્ચની વિગતો આપી.

વિદેશ રાજ્યમંત્રી પાબિત્રા માર્ગેરિટાએ એક લેખિત જવાબમાં જણાવ્યું હતું કે પીએમ મોદીએ 2022 થી 2024 દરમિયાન કુલ 38 દેશોની મુલાકાત લીધી હતી. માર્ગેરિટાના મતે, છેલ્લા ત્રણ વર્ષમાં, 2022માં પીએમની નેપાળ મુલાકાત પર સૌથી ઓછી 80 લાખ 1 હજાર 483 રૂપિયા ખર્ચ કરવામાં આવ્યા હતા અને 2023માં અમેરિકાની મુલાકાત પર સૌથી વધુ 22 કરોડ 89 લાખ 68 હજાર 509 રૂપિયા ખર્ચવામાં આવ્યા હતા. આ દરમિયાન તેમણે પૂર્વ વડા પ્રધાન સ્વર્ગસ્થ મનમોહન સિંહના વિદેશ પ્રવાસ પર થયેલા ખર્ચની વિગતો પણ શેર કરી.

પીએમની 38 દેશોની મુલાકાત

માર્ગેરિટાએ પોતાના લેખિત જવાબમાં જણાવ્યું હતું કે, “ઉપલબ્ધ આંકડા અનુસાર, જૂન 2023માં મોદીની અમેરિકા મુલાકાત પર 22,89,68,509 રૂપિયા ખર્ચવામાં આવ્યા હતા, જ્યારે સપ્ટેમ્બર 2024માં તે જ દેશની તેમની મુલાકાત પર 15,33,76,348 રૂપિયા ખર્ચવામાં આવ્યા હતા.” આ રેકોર્ડમાં 38 થી વધુ વિદેશી યાત્રાઓનો સમાવેશ થાય છે, જે મે 2022 માં જર્મનીની મુલાકાતથી શરૂ થઈને ડિસેમ્બર 2024 માં કુવૈતની મુલાકાત સાથે સમાપ્ત થાય છે.

ચપ્પુ અને રિવોલ્વર સાથે કરી હતી લૂંટ

ઉત્તર પ્રદેશના કાશીમાં ચોર શ્રી શ્રી 108 સ્વામી અનંતદેવ બની બેઠો હતો. 21 વર્ષ પહેલા વલસાડના ભીલાડ પોલીસ સ્ટેશન નજીક આનંદ શિવ પૂજન તિવારીએ તેમના સાગરીતો સાથે ચપ્પુ રિવોલ્વર અને અન્ય શસ્ત્રો સાથે 23,500ની લૂંટ કરી હતી. લૂંટ બાદ તેઓ ફરાર થઈ ગયા હતા, જેમાં મુખ્ય કાવતરાખોર આનંદ શિવ પૂજન તિવારી વર્ષોથી પોલીસના ચોપડે ફરાર હોવાનું જિલ્લા પોલીસ વડા અને તેમની ટીમને ધ્યાને આવ્યું.

આરોપી 21 વર્ષથી હતો ફરાર

પોલીસે તપાસ કરતા આરોપી પોતાના ગુનાઓને છુપાવવા માટે ઉત્તર પ્રદેશના કાશી ખાતે શ્રી શ્રી 108 સ્વામી અનંતદેવ નામ ધારણ કરી સંત બની આશ્રમમાં રહેતો હતો. પોલીસે ટીમ બનાવી કાશી મોકલી હતી અને આરોપીની ધરપકડ કરી.

પ્રથમ નજરે આશ્રમમાં બેઠેલા શ્રી શ્રી 108 સ્વામી અનંતદેવ આરોપી શિવપૂજન તિવારી છે કે પછી સંત તે ઓળખવામાં પોલીસ પણ થાપ ખાઈ ગઈ. ગુનાને છુપાવવા માટે સાધુ બનીને 21 વર્ષ જેટલો લાંબો સમયગાળો કાશીના આશ્રમમાં રહ્યાં હતા. પરંતુ પાપનો ઘડો ફૂટ્યો અને શ્રી શ્રી 108 સ્વામી અનંત દેવ નામ ધારણ કરનાર શિવ પૂજન તિવારી આરોપી બનીને પોલીસના સકંજામાં ફીટ થઈ ગયો. પૂછપરછ બાદ સંત બની બેઠેલા શિવપૂજન તિવારીની પોલીસે ધરપકડ કરી અને વલસાડ ખાતે લાવીને પૂછપરછ કરી આગળની તપાસ હાથ ધરી છે.

સાબરકાંઠાના ખેડબ્રહ્મા તાલુકાના રોધરા અને ગલોડિયા ગામે SEBIની ટીમ ત્રાટકી હતી. IPS રવિન્દ્ર પટેલના ઘરે SEBIની ટીમ ત્રાટકી હતી. જેના પગલે પોલીસ બેડામાં પણ ખળભળાટ થઈ ગયો છે. નાણાકીય લેવદેવડ, મિલકત સહિતના બાબતે તપાસ હાથ ધરવામાં આવી છે. શેરબજાર કોમોડિટીમાં નાણાંની મોટી હેરફેરની આશંકા કરવામાં આવી રહી છે. ચોક્કસ કંપનીના શેર પોર્ટફોલિયો પસંદ કરવા અંગે પણ તપાસ હાથ ધરવામાં આવી છે. કાર્યવાહી પાછળ પાલડીના મેઘ – મહેન્દ્ર શાહ કારણભૂત હોવાની આશંકા છે.

IPS રવિન્દ્ર પટેલના ઘરે તપાસ: સૂત્ર

SEBI કે અન્ય કોઈ પાસેથી સત્તાવાર વિગતો સામે આવી નથી. ચોક્કસ શેરમાં રોકાણને લઈ IPSનો પરિવાર શંકાના ઘેરામાં આવ્યો છે. ખેડબ્રહ્માના રોધરા અને ગલોડિયા ગામે કાર્યવાહી હાથ ધરવામાં આવી હતી. SEBI દ્વારા IPS રવિન્દ્ર પટેલ અને તેમના પરિવારની પૂછપરછ હાથ ધરવામાં આવી હતી.

IPS રવિન્દ્ર પટેલના સાળાની પણ પૂછપરછ

IPS રવિન્દ્ર પટેલના પિતા IG કક્ષાના નિવૃત IPS અધિકારી છે. ગલોડીયા ગામે રહેતા IPSના સાળાની પણ પૂછપરછ હાથ ધરવામાં આવી છે. ગુજરાત હાઉસિંગ બોર્ડમાં SP તરીકે IPS રવિન્દ્ર પટેલ ફરજ બજાવે છે. SEBIની તપાસમાં વધુ ખુલાસાઓ સામે આવી તેવી શક્યતાઓ છે. IPSના ઘરે કેન્દ્રિય ટીમોની તપાસથી પોલીસ બેડામાં ખળભળાટ થયો છે.

ઉલ્લેખનીય છે કે IPS રવિન્દ્ર પટેલના ઘરે SEBIની ટીમ દ્વારા દરોડા પાડ્યા હતા. મળતી માહિતી અનુસાર નાણાકીય લેવદેવડ, મિલકત સહિતના બાબતે તપાસ હાથ ધરવામાં આવી હતી. શેરબજારમાં કોમોડિટીમાં નાણાની મોટી હેરફેરની આશંકાના પગલે IPS રવિન્દ્ર પટેલના ઘરે દરોડા પાડ્યા હતા. જો કે તપાસમાં મોટા ખુલાસા થાય તેવી શક્યતા છે.

ભારતની પહેલી ઓપરેશનલ સ્માર્ટ સિટી અને પ્રથમ ઇન્ટરનેશનલ ફાઇનાન્શિયલ સર્વિસીઝ સેન્ટર (આઇએફએસસી) એવી ગુજરાત ઇન્ટરનેશનલ ફાઇનાન્સ ટેક-સિટીને (ગિફ્ટ સિટી) તેની એન્વાયર્મેન્ટલ મેનેજમેન્ટ સિસ્ટમ (ઇએમએસ) માટે ISO 14001 સર્ટિફિકેશન આપવામાં આવ્યું છે. આંતરરાષ્ટ્રીય સ્તરે માન્યતા પ્રાપ્ત સંસ્થા, બ્યૂરો વેરિટાસ દ્વારા આપવામાં આવેલું આ સર્ટિફિકેશન શહેરી વિકાસ અને પર્યાવરણીય જવાબદારી પ્રત્યે ગિફ્ટ સિટીની પ્રતિબદ્ધતા દર્શાવે છે.

ISO 14001 સર્ટિફિકેશન એ સંસ્થાઓ માટે વૈશ્વિક સ્તરે માન્યતા પ્રાપ્ત બેન્ચમાર્ક છે, જે તેમની કામગીરીમાં પર્યાવરણીય રીતે જવાબદાર પ્રથાઓને એકીકૃત કરે છે. આ સિદ્ધિ આયોજન, બાંધકામ, કામગીરી અને જાળવણીની બાબતે પર્યાવરણીય હાજરી ઘટાડવા માટે ગિફ્ટ સિટીનો પદ્ધતિસરનો અભિગમ દર્શાવે છે. આ સાથે ગિફ્ટ સિટી એક ફાઇનાન્શિયલ હબ તરીકે એક શિરસ્તો સ્થાપે છે, જે વ્યવસાય વૃદ્ધિને પ્રોત્સાહન આપવાની સાથે ટકાઉપણાને પ્રાથમિકતા આપે છે.

ગિફ્ટ સિટીના એમડી અને ગ્રુપ સીઈઓ તપન રેએ જણાવ્યું હતું કે, “ISO 14001 સર્ટિફિકેશન મેળવવું એ ગિફ્ટ સિટીની ભવિષ્ય માટે તૈયાર ફાઇનાન્સ અને ટેકનોલોજી હબ બનાવવાની પ્રતિબદ્ધતાને દર્શાવે છે. જેમાં ટકાઉપણું તેના મૂળ કેન્દ્રમાં છે. ગિફ્ટ સિટી કામગીરીમાં વૈશ્વિક પર્યાવરણીય ધોરણોને સમાવિષ્ટ કરીને અમે ન કેવળ અનુપાલન સુનિશ્ચિત કરી રહ્યા છીએ, પરંતુ આંતરરાષ્ટ્રીય એન્વાયર્મેન્ટલ, સોશિયલ એન્ડ ગવર્નન્સ (ઇએસજી) લક્ષ્યાંકો સાથે સુસંગત હોય તેવી જવાબદાર વૃદ્ધિ પણ આગળ ધપાવી રહ્યા છીએ.”

Tapan Ray, MD and Group CEO, GIFT City

ભારતના પ્રથમ ઓપરેશનલ સ્માર્ટ સિટી તરીકે ગિફ્ટ સિટીએ ડિસ્ટ્રિક્ટ કૂલિંગ સિસ્ટમ, ઓટોમેટેડ વેસ્ટ કલેક્શન અને યુટિલિટી ટનલ જેવી પર્યાવરણને અનુકૂળ નવીનતાઓનો સમાવેશ કર્યો છે. આ એવી સુવિધાઓ છે, જેણે ભારતમાં ટકાઉ શહેરી વિકાસ માટે નવા ધોરણો સ્થાપિત કર્યા છે. આ નવીનતાઓ ગિફ્ટ સિટીને પર્યાવરણીય જવાબદારીઓ સાથે વ્યવસાય વિસ્તરણને સંતુલિત કરવામાં મદદ કરે છે.

ગિફ્ટ સિટી વૈશ્વિક નાણાંકીય સંસ્થાઓ, ફિનટેક કંપનીઓ અને મલ્ટીનેશનલ કંપનીઓ માટે પસંદગીના સ્થળ તરીકે વેગ પકડી રહી છે. ISO 14001 સર્ટિફિકેશન રોકાણકારોના વિશ્વાસમાં હજુ વધારો કરશે, પર્યાવરણ પ્રત્યે સભાન વ્યવસાયોને આકર્ષશે અને વિશ્વ કક્ષાના નાણાંકીય કેન્દ્ર તરીકે તેની પ્રતિષ્ઠાને મજબૂત બનાવશે તેવી અપેક્ષા છે.

ભારત સરકાર ગ્રીન ઇન્ફ્રાસ્ટ્રક્ચર અને ટકાઉ શહેરી વિકાસ પર વધુને વધુ ભાર આપી રહી છે ત્યારે ગિફ્ટ સિટીની સિદ્ધિ ભારતના બિઝનેસ ઇકોસિસ્ટમમાં ઇએસજી સિદ્ધાંતોને એકીકૃત કરવાના વ્યાપક વલણને દર્શાવે છે. આ સર્ટિફિકેશન વૈશ્વિક સ્તરે ટકાઉ નાણાંકીય કેન્દ્ર માટે બેન્ચમાર્ક તરીકે પોતાને સ્થાન આપવાના ગિફ્ટ સિટીના પ્રયાસોમાં વિશ્વસનીયતાનું વધુ એક સ્તર ઉમેરે છે.

મહારાષ્ટ્રના નાગપુરમાં હાલમાં મુઘલ સમ્રાટ ઔરંગઝેબની કબરને લઈને ઉગ્ર વિવાદ ચાલી રહ્યો છે. દરમિયાન, રાષ્ટ્રીય સ્વયંસેવક સંઘની અખિલ ભારતીય પ્રતિનિધિ સભાની ત્રણ દિવસીય બેઠકને કારણે, અખિલ ભારતીય પ્રચાર પ્રમુખ સુનીલ આંબેકરે એક પત્રકાર પરિષદ યોજી હતી. આ પત્રકાર પરિષદમાં સુનીલ આંબેકરને ઔરંગઝેબ વિશે એક પ્રશ્ન પૂછવામાં આવ્યો. તેમને પૂછવામાં આવ્યું કે શું ઔરંગઝેબ હજુ પણ પ્રાસંગિક છે ?

જ્યાં હાલમાં ઔરંગઝેબની કબર હટાવવાને લઈને હોબાળો ચાલી રહ્યો છે. આ દરમિયાન, જ્યારે સુનીલ આંબેકરને નાગપુરમાં થયેલી હિંસા અને ઔરંગઝેબના મકબરા અંગે પ્રશ્ન કરવામાં આવ્યો ત્યારે તેમણે કહ્યું કે, કોઈપણ પ્રકારની હિંસા સમાજ માટે સારી નથી. પોલીસે આ અંગે કાર્યવાહી હાથ ધરી છે. પોલીસ આ અંગે તપાસ કરી રહી છે. ઉપરાંત, મુઘલ સમ્રાટ અંગે, તેમણે કહ્યું કે, ઔરંગઝેબ વર્તમાનમાં પ્રાસંગિક નથી.

ત્રણ દિવસીય આરએસએસની મીટિંગ

રાષ્ટ્રીય સ્વયંસેવક સંઘ (RSS) ની અખિલ ભારતીય પ્રતિનિધિ સભાની ત્રણ દિવસીય બેઠક, આગામી 21 થી 23 માર્ચ દરમિયાન કર્ણાટકની રાજધાની બેંગલુરુમાં શરૂ થવા જઈ રહી છે. 19 માર્ચે, અખિલ ભારતીય પ્રચાર પ્રમુખ સુનીલ આંબેકરે આ બેઠક અંગે એક પ્રેસ કોન્ફરન્સ યોજી હતી. આ દરમિયાન, પ્રચાર પ્રમુખે 3 દિવસની બેઠક વિશે માહિતી આપી. તેમણે કહ્યું કે દેશભરના પ્રતિનિધિઓ આ બેઠકમાં હાજરી આપશે. સંઘના પદાધિકારીઓ અને કાર્યકરો પણ ભાગ લેશે. તેમણે માહિતી આપી કે આ બેઠક 21 માર્ચે સવારે 9 વાગ્યે શરૂ થશે અને 23 તારીખની સાંજ સુધી ચાલુ રહેશે.

બેઠકમાં બે દરખાસ્તો મૂકવામાં આવશે

પ્રચાર પ્રમુખે જણાવ્યું હતું કે આ બેઠકમાં બે દરખાસ્તો મંજૂરી માટે મૂકવામાં આવશે. પહેલો પ્રસ્તાવ બાંગ્લાદેશની ભૂમિકા વિશે હશે અને બીજો પ્રસ્તાવ સંઘની 100 વર્ષની યાત્રા અને ભવિષ્યની યોજનાઓ વિશે હશે.

આ સંઘ 100 વર્ષ પૂર્ણ કરવા જઈ રહ્યું છે

સુનીલ આંબેકરે માહિતી આપી હતી કે આવનારી વિજયાદશમી સંઘના 100 વર્ષ પૂર્ણ કરશે. સંઘનું કાર્ય 1925માં નાગપુરમાં શરૂ થયું અને ત્યારબાદ તે સમગ્ર દેશમાં વિસ્તર્યું. આ બેઠકમાં, શાખાના વિસ્તરણ માટેની સમગ્ર યોજનાની સમીક્ષા કરવામાં આવશે અને લક્ષ્યની સમીક્ષા કરવામાં આવશે. ઉપરાંત, વિજયાદશમી 2025 થી 2026 સુધીના વર્ષને શતાબ્દી વર્ષ તરીકે ગણીને તેને ઉજવવામાં આવશે. આ સમયગાળા દરમિયાન જે પણ કાર્યક્રમો યોજાશે તેની પણ ચર્ચા આ બેઠકમાં કરવામાં આવશે અને નિર્ણયો લેવામાં આવશે. આ પછી તે નિર્ણયો પણ જાહેર કરવામાં આવશે.

પીએમ મોદી નાગપુરની લેશે મુલાકાત

જ્યારે સુનીલ આંબેકરને પૂછવામાં આવ્યું કે વડા પ્રધાન નરેન્દ્ર મોદી 30 માર્ચે નાગપુર આવી રહ્યા છે, ત્યારે તેમણે કહ્યું, સારું છે, એમનુ સ્વાગત છે. આ બેઠક અંગે તેમણે કહ્યું કે, સમાજના લોકોની ભાગીદારી કેવી રીતે વધારવી તે અંગે પણ ચર્ચા થશે. જોકે, 4 વર્ષ પછી, અખિલ ભારતીય પ્રતિનિધિ સભા બેંગલુરુમાં મળી રહી છે. તેમણે એ પણ માહિતી આપી કે દત્તાત્રેય હોસાબલેજી આ બેઠક અંગે એક પ્રેસ કોન્ફરન્સ કરશે.

સુનિતા વિલિયમ્સ અવકાશથી પૃથ્વી પર પાછા ફર્યા બાદ દરેક જગ્યાએ, ઉલ્લાસભરી ઉજવણીનો માહોલ પ્રવર્તી રહ્યો છે. સુનિતા વિલિયમ્સ ત્રીજી વખત અવકાશ યાત્રા પર ગઈ હતી. આ વખતે તેનુ પરત ફરવાનું સ્પેશ શટલમાં યાત્રિક ખામી સર્જાવાને કારણે તે સૌથી લાંબી સ્પેસવોક કરનારી મહિલા બની ગઈ છે. સુનિતા વિલિયમ્સ અવકાશમાં મેરેથોન દોડનારી વિશ્વની પ્રથમ અવકાશયાત્રી તરીકે પણ જાણીતી થઈ છે.

એવું કહેવાય છે કે, અભ્યાસ દરમિયાન સુનિતા અવકાશયાત્રી નહીં, પણ પશુચિકિત્સક બનવા માંગતી હતી, પરંતુ પછી કંઈક એવું બન્યું કે તે અવકાશયાત્રી બની ગઈ. ચાલો જાણીએ શું છે આખી વાત, તે કેવી રીતે અવકાશયાત્રી બની અને આખી દુનિયામાં પ્રખ્યાત થઈ?

ડોક્ટર પિતાની પુત્રી અવકાશયાત્રી

સુનિતા વિલિયમ્સના પિતાનું નામ દીપક પંડ્યા છે. ગુજરાતના મહેસાણા જિલ્લાના ઝુલાસણ ગામના રહેવાસી દીપક પંડ્યાએ અમદાવાદથી દવાનો અભ્યાસ કર્યો હતો અને ત્યારબાદ સીધા અમેરિકા ગયા હતા. ત્યાં તેમણે સ્લોવેનિયન મૂળની એક મહિલા સાથે લગ્ન કર્યા, જેનાથી સુનિતા વિલિયમ્સનો જન્મ થયો. બાળપણમાં, સુનિતાને પ્રાણીઓ ખૂબ જ ગમતા હતા અને તેના આ પ્રાણી પ્રેમને કારણે, તેણે પશુઓના ડૉક્ટર બનવાનું નક્કી કર્યું. તેણે આ માટેના અભ્યાસ કોર્ષમાં ભણવા માટે અરજી પણ કરી હતી, પરંતુ તેને તેની મનપસંદ કોલેજ મળી શકી નહીં.

પછી 1983 માં, તેઓ યુએસ નેવલ એકેડેમીમાં જોડાયા અને 1987માં, તેમણે ભૌતિકશાસ્ત્રમાં ડિગ્રી મેળવી, જે તેમની સફળતા તરફનું પ્રથમ પગલું બન્યું. નેવલ એકેડેમીમાં તાલીમ પૂર્ણ કર્યા પછી, તે પાઇલટ બની અને વિવિધ પ્રકારના વિમાન ઉડાવ્યા. આ દરમિયાન, એક દિવસ તેમને જોહ્ન્સન સ્પેસ સેન્ટર જવાનો મોકો મળ્યો, જેણે તેમના જીવનને એક અલગ દિશા આપી. ત્યાં તેઓ અવકાશયાત્રી જોન યંગને મળ્યા, જે ચંદ્ર પર ચાલનારા 9મા માણસ બન્યા. સુનિતા તેમનાથી ખૂબ પ્રભાવિત થઈ અને એટલી પ્રભાવિત થઈ કે તેણે અવકાશયાત્રી બનવાનું નક્કી કર્યું.

નાસાએ તેને નકારી કાઢ્યું હતું

મીડિયા રિપોર્ટ્સ અનુસાર, જોન યંગને મળ્યા પછી, સુનિતા વિલિયમ્સે અવકાશયાત્રી બનવા માટે નાસામાં અરજી કરી હતી, પરંતુ તેની અરજીને તે સમયે નકારી કાઢવામાં આવી હતી. આ પછી, 1995માં, તેમણે ફ્લોરિડા ઇન્સ્ટિટ્યૂટ ઓફ ટેકનોલોજીમાંથી એન્જિનિયરિંગ મેનેજમેન્ટમાં માસ્ટર ડિગ્રી મેળવી અને ફરીથી નાસામાં અરજી કરી. આ વખતે તેણીની પસંદગી થઈ, પરંતુ તેણીને અવકાશમાં જવા માટે ઘણો સમય રાહ જોવી પડી. લગભગ 8 વર્ષ પછી, 2006 માં, તેણીને પ્રથમવાર અવકાશમાં જવાની તક મળી અને આ સાથે તે અવકાશયાત્રી બનનારી ભારતીય મૂળની બીજી મહિલા બની.